एनसेल प्रयोगकर्ताले थाहा पाउनैपर्ने सर्भिस कोडहरू

 

निजी क्षेत्रको सबैभन्दा ठूलो टेलिफोन सेवा प्रदायक कम्पनी एनसेलले आफ्ना ग्राहकको सहजताको लागि विभिन्न कोड उपलब्ध गराएको छ । त्यसमध्य *१०१# अथवा *९०१# डायल गरेर मोबाइलको ब्यालेन्स जाँच प्रायजसो सबैले गर्छौं ।

रिचार्ज गर्दा प्रयोग हुने *१०२# र *९०२# पनि हामी धेरैलाई थाहा भएको युएसएसडी कोड हो । यी त हरेक दिन प्रयोगमा आउने कोड भएकाले हामी सबैलाई याद नै भइरहेको हुन्छ ।

एनसेलका यस्ता धेरै कोड तथा नम्बरहरु छन, जसको प्रयोग गरेर ग्राहकले एनसेलबाट प्राप्त हुने विभिन्न सेवाको उपभोग गर्न सकिन्छ । त्यसैले यहाँ हामी तपाईंहरुलाई युएसएसडी कोडमार्फत एनसेलमा लिन सकिने सेवाको बारे जानकारी गराउँदै छौं ।

यसअन्तर्गत ब्यालेन्सको जानकारी लिने, रिचार्ज गर्ने, फोरजी एक्टिभेसन, प्याकेज सब्सक्रिप्सन, जीएसएम मोबाइल रिचार्ज, गुनासो गर्ने, रिङब्याक टोन राख्ने लगायतका सेवा छन् । उक्त सेवा कसरी लिने त ?

सेवा	कोड तथा नम्बर/म्यासेज की वर्ड
१.	ब्यालेन्स चेक	*१०१# अथवा *९०१# डायल गर्नुहोस् ।
२.	एनसेल रिचार्ज	*९०२# रिचार्ज कार्ड नम्बर# डायल गर्नुहोस् । अथवा ९००१२ मा कल गरेर पनि रिचार्ज गर्न सकिन्छ ।
३.	अरुको मोबाइलमा रिचार्ज गर्न	*१०२* रिचार्ज कार्ड नम्बर*मोबाइल नम्बर# डायल गर्नुहोस् ।
४.	ब्यालेन्स ट्रान्सफर सेवा सुचारु गर्न	१७१२२ मा कल गरी सेवा सुचारु गर्न सकिन्छ ।
५.	एनसेल ब्यालेन्स ट्रान्सफर	*१७१२२* ब्यालेन्स पठाउनु पर्ने मोबाइल नम्बर*पठाउनु पर्ने रकम# डायल गर्नुहोस् ।
६.	मोबाइल डेटा प्याक सब्सक्राइब गर्न	*१२३# अथवा *१७१२३# डायल गर्नुहोस् ।
७.	डेटा कति बाँकी छ भनेर जानकारी लिन	*९०१# डायल गर्नुहोस अथवा ‘status‘ लेखी १७१२३ मा एसएमएस पठाउनुहोस् ।
८.	एनसेल भ्वाइस प्याक लिन	*१७११८# मा डयाल गरेर अथवा १७११८ मा कल गरेर पनि जानकारी लिन सक्नुहुनेछ ।
९.	एनसेल कल सेन्टर तथा कस्टमर केयर नम्बर	९००५ अथवा ९८०९००५०० मा कल गर्नुहाेस् ।
१०.	गुनासो गर्न	एनसेलको प्रिपेड सिमबाट ९००५, एनसेल प्रो र बिज नम्बरबाट ९००७ र अन्यले ९८०९००५०० मा कल गर्न सकिन्छ ।
११	एसएलसी रिजल्ट	SEE, तपाईंको सिम्बोल नम्बर टाइप गरी ३५००१ मा एसएमएस पठाउनु होस् ।
१२	एनसेल कलर ट्युन/पीआरबीटी लिन	१७११७ मा कल गर्न तथा *१७११७# मा डायल गर्ने अथवा PRBT लेखेर १७११७ मा एसएमएस पठाउन सकिन्छ ।
१३	कल ब्यारिङ भएमा खोल्न	*३३०*००००# डायल गर्नुहोस् ।
१४	एनसेल माई फाइभ एक्टिभ गर्न	५५९९ मा कल गरी अथवा *५५९९# डायल गरी एक्टिभ गराउन सकिने छ ।
१५	आफ्नै एनसेल माेबाइल नम्बर हेर्न	*१०३# अथवा *९०३# डायल गुर्नहोस् ।
१६	एनसेल सापटी लिन	*९९८८# डायल गर्नुहोस् ।
१७	अन्तराष्ट्रिय रोमिङ एक्टिभ गर्न	*१२१२७# डायल गर्नुहोस् ।
१८	इन्टरनेट सेटिङ प्राप्त गर्न	all टाइप गरी ९५९५ मा एसएमएस गर्नुहोस् ।