प्रेरणा का शब्द : एक मुसाको कथा

एउटा "मुसा" एक जना ब्यापारीको घरमा गुड लगाएर बसेको थियो ।

एकदिन मुसाले देख्यो कि त्यस व्यापारी र उसको श्रीमतीले एउटा थैलोबाट केही निकाल्दै थिेए, मुसाले सोच्यो शायद केही खाने कुरा हुनु पर्छ ।

उत्सुकताका साथ हेर्दै गर्दा अन्तमा उसलाई थाह भयो त्यो त एउटा मुसा फसाउने मुसेरी "छट्के" पो रहेछ ।

ख़तरा महशुस हुना साथ उसले घर पछाडी बस्ने "परेवा" लाई घरमा मुसेरी आएको र आफुलाई खतरा महशुस भएकोले सहयोगको लागी आग्रह गर्यो ।

परेवाले खिल्ली उडाउदै भन्छ; "मलाई के मतलब? म थोरै त्यसमा फस्छु र ?”

निराश हुदै मुसाले आफ्नो समस्या "कुखुरा" लाई सुनाउछ ।

कुखुराले पनि खिल्लि उडाउदै भन्छ; “जे गर्नी हो गर, यो मेरो समस्या होइन" ।

हताश मुसाले खोरमा गएर आफ्नो पिडा "बाख्रा" लाई सुनाउछ.... मुसाको कुराले बाख्रा हाँसी-हाँसी लडिबडी गर्न थाल्छ ।

मुसालाई छट्पटी छुट्छ । उ घर भित्र छिर्न पनि डराउछ ।

त्यसरात मुसेरीमा "छट्क" गरेको आवाज आउछ जसमा एउटा बिषालु "सर्प" पासोमा परेको हुन्छ ।

अँधेरोमा सापको पुच्छरलाई मुसा झै मानेर व्यापारीको श्रीमतीले त्यसलाई समाउन पुग्छिन र उनलाई सापले डस्छ ।

श्रीमतीलाई सापले डसेर बिरामी परेपछी उनिहरुले बैद्यलाई बोलाउछन र बैद्यले शरिर कमजोर भएको भन्दै "परेवा" को सुप खाने सल्लाह दिन्छन । परेवा काटियो र सुपको लागी उमाल्न थालियो ।

श्रीमतीलाई सापले टोकेको खबर टाँढा-टाँढा सम्म फैलियो । आफन्तहरु भेट्न आउन थाले । सबैलाई भोजनको प्रबन्ध गर्न कुखुरालाई काटियो ।

केही दिन पछी व्यापारिको श्रीमती पुर्णरुपमा निको भइन । व्यापारी निकै खुसी भयो र यस खुसीमा सबै आफ्ना सुभ चिन्तकहरुलाई बोलाएर भोज दिए जसमा बाख्रालाई काटिनु पर्यो ।

यतिन्जेल मुसा त्यस घर छाडेर धेरै टाढा पुगिसकेको थियो...,

शिक्षा: यदि कसैले तपाईलाई आफ्नो समस्या सुनाउछ भने त्यो समस्या म संग संबन्धीत छैन भनेर भन्नुभन्दा पनि , एक पटक त्यसको प्रभावको बारेमा सोच्नुहोस ।

यदि तपाईको कुनै आफन्त समस्यामा परेको छ भने संगठित रुपमा त्यसको हल खोज्नु होस । त्यस्तो जसलाई पनि पर्न सक्छ, नंवर जसको पनि लाग्न सक्छ ।

सोचको दायरालाई बढाउनुहोस, स्वयंमको स्वार्थमा मात्र केन्द्रित नहुनुहोस ।।